Stifting Fryske Rie

Yn 'e Midsiuwen kamen fertsjintwurdigers fan de ferskate Fryske lannen ienris yn it jier oer politike saken gear. Dat wie alle kearen op pinkstertiisdei.Dy tradysje is yn ús tiid op beskieden wize fuortset.Op 26 maaie (pinkstertiisdei) wurdt yn Aurich-Rahe de jierlikse Opstalbeam-beattinking holden. It tema is ditkear "JUgend in Friesland". De organisaase is, lykas alle keren, yn hannen fan it Friesisches Forum. Sprekkers binne Rico Mecklenburg (Ostfriesische Landschaft) en Freja Pfanne (Aurich). Sjoch: https://www.aurich-tourismus.de/veranstaltungen/veranstaltung/26052026-1830--101273722--treffen-der-freien-friesen-zu-pfingstenTichter by hûs sil Vincent Robijn yn Ljouwert (De Beurs, Wurdumerdyk 34) in praatsje hâlde oer de Leechdútske ('Nedersaksische') hânskriften út de Aldfryske Richthofenkolleksje. Dat sil om 20:00 oere begjinnne (ynrin 19:30). Mear ynformaasje is te finen by Tresoar:https://www.tresoar.nl/bezoeken/agenda/SGL-Pinkstertiisdei-lezing-Vincent-Robijn

Fan 22 oant 25 septimber fynt dit jier de Frouljusmoeting plak yn Noard-Fryslân (Sleeswyk-Holstein).By dit útstapke wurde ûnder mear de Nordsee Akademie yn Leck en en de GreenTEC-Campus yn Enge-Sande besocht.It treffen wurdt troch de Fräiske Rädj (it Noardfryske suske fan de Fryske Rie) op priemmen set.Fryske froulju dy't belangstelling kinne har oant 31 by de organisaasje opjaan:sektion-nord-at-interfriesischerrat.de0049-4671.6024.150Oer ferfier en sokke saken kinne jo kontakt opnimme mei Aeltsje de Groot (Fryske Rie en Plattelânsfroulju 'Vrouwen van nu'): aeltsje-at-kpnmail.nl.De flyer fan de frouljusmoeting kinne jo hjir fine.https://friesenrat.de/wp-content/uploads/2026/04/20260311_IFR-wueste-flyer.pdf

Oarekant de Lauwers wenje ek Friezen dy't in soarte fan Frysk prate. Dat is gelokkich net allinnich by de Fryske Rie bekend.En yn ús provinsje wurde mear 'Frysken' praat as it Frysk dat wy sa neame. Eilauners (op Skiermûntseach), Aasters (op Skylge) en Hylpers bygelyks.Tjits van der Wal (fan Tjits Floch) hat mei har ploech fan Omrop Fryslân in fleurige rige fan reportaazjes makke op plakken dêr't sokke 'Frysken' yn libben gebrûk binne.De rige hat de titel Fier yn it rûn, mar dat sil jo bek4nd wêze. Ien fan dy ôfleveringen giet oer it Sealterlân, dat se dêr sels dät Seelterlound neame, en dat op 'e kaart as Saterland bekend stiet.Tjits giet op besite by Veronika Pugge fan it Seeltersk Kontoor, op it Räidhuus (Riehûs) yn Romelse (Ramsloh). Yn Cloppenburg (bûten it Sealterlân) treft se de myzykmakkers Marion Erdmann, Helga Mödden en Ingeborg Remmers fan do Ulkige Wuchtere ('de glûpige famkes'). At jo it filmke besjogge - en benammen en beharkje - sil jo fernimme dat it Sealtersk eins wol aardich nei te kommen is.https://www.omropfryslan.nl/nl/tv/aflevering/fier-yn-it-run/1311942